Page 13 - AM230210

Diabierna, 10 Februari 2023 AWEMainta
Eric Ras(Curpa):
Siguridad di nos pueblo y di
polis mester bin na prome luga
artido Curpa ta haya rason cu nos miembronan di nos Cu-
P erpo Policial a wordo maltrata pa tur e gobiernonan. For di
1987 cu a basha e warda di polis ningun gobierno a percura pa
Districto di Oranjestad tin warda di polis cu ta cumpli cu un stan-
dard di un warda di polis. Polisnan ta bira malo y gobierno no ta
worry cu nada. Berdad ta cu si bo tin amor pa e trabao di polis bo
ta lucha te na final. No manera otronan cu ta bandona nos Cu-
erpo Policial paso nan no tin amor pa e trabao di polis sino sol-
amente e puesto y haci uzo di e trabao di polis pa un miho tra-
bao otro caminda. Un ehempel ta e sucedido na Arubahuis. A
duna e minister plenipotenciario e oportunidad di paga locual el
a malversa mientras intencionalmente nos minister president a
wanta e rapport di Central Accountant Dienst scondi. Si tabata
un miembro di oposicion sinembargo si lo a forsa pa detene. Lid-
er di mep ta yama partido AVP Universidad di corupto. Universi-
dad di kico e prestigioso partido mep ta awe? P’esey ora bo scupi
na halto bo ta core e peliger cu e lo por cay den bo cara. Despues
di a tilda partido AVP di corupcion awor e corupcion ta den nan
mesun seno. No por lubida cu Arubahuis ta cay directamente bou
di nos minister president.
Nos partido Curpa for di 2017 a bin cu un plan pa recluta mas
polis pero e plan ey nunca por a wordo implementa paso partido
Curpa no ta den gobierno. Durante nos Status Aparte for di 1986
te cu 2007 tur aña tabata tin opleiding pa polis. For di 2008 te
cu awor tin 6 biaha cu no tin sanger nobo ta drenta nos Cuerpo
Policial y si partido mep keda den gobierno na 2024 tampoco lo
no recluta mas polis mientras polisnan ta bandona nos Cuerpo
Policial y otro ta bay cu pensioen. Mayoria di esnan cu a studia
na Hulanda pa bira inspector di polis no t’ey mas. A uzo Cuerpo
Policial pa haya un miho trabao y miho salario.
Nos Cuerpo Policial falta hopi material mientras e polisnan ta
lucha cu alma y cuerpo pa duna servicio. Sr Arnhem a bisa bon
cla cu polisnan ta cansa y e ta preocupa pa nan salud. Un Cuerpo
Policial cu no tin material e.o. bulletproof vest, uniform y auto
drechi pa core aden mientras gobierno si ta lease e autonan di
mas caro mientras cu nos polisnan ta sigui wordo maltrata. Ta
uza e pretexto cu a duna nan promocion, pero ta lubida di bisa cu
nan tin derecho riba dje. Nos por a ripara cu for di 2008 e trend
aki a cuminsa y nan plan pa laga nos Cuerpo Policial sangra muri
pa asina habri porta pa busca polisnan Hulandes bin traha na
Aruba. Diferente biaha den pasado nos Cuerpo Policial a conoce
polisnan Hulandes. A carga nan den teblachi y despues di a pasa
vakantie ta bay Hulanda cu miho salario.
Gobierno forma pa MEP y AVP no a duna nos Cuerpo Policial su
debido atencion. E protocolnan firma den pasado di tanto gobi-
erno MEP y AVP awe ta bira realidad. E minister di husticia ante-
rior a firma un acuerdo pa e miembronan di RST integra den nos
Cuerpo Policial. Nos por corda con ora e baranan di oro a desapa-
POLITICA 13
rece, e hefe di RST a tene esaki hermeticamente cera pa ningun
hende haya sa kico a pasa cu e oronan. E persona encarga cu
e baranan di oro a entama un caso y a gan’e den corte. Un cos
si nos por a mira ta con nos departamento di droga, cu a haya
reconocimento den internacional pa nan bon trabao, a wordo
kibra paso ta nos polisnan Rubiano tabata na cabes. Un netwerk
cu pa hopi aña di sacrificio a wordo crea, a bay perdi. Nos por
mira cu mas y mas marechaussee ta bin traha na Aruba. E tempo
cu burico ta traha pa cabay come a pasa. Nan no a keda sola-
mente na frontera sino nan ta tur caminda. Nos gobierno a bende
nos departamento di husticia cu e Hulandesnan.
Mi no sa cu ki cara gobierno kier negocia pa habri frontera cu
Venezuela. Dollar ta manda awor na Venezuela y beneficio esaki
lo no trece pa pueblo di Aruba sino mas problema cu nos isla no
por mas. Nos ta kere cu awa a pasa hariña. Nos Parlamento cu
ta yama pa sali na defensa di nos pueblo no ta funciona paso si
tabata tin parlamentario cu curashi y principio, gobierno aki lo a
yega na su fin. E husticia di Dios lo bati na boso porta. Situacion
lo bira asina critico cu boso lo sali na careda. Pueblo di Aruba lo
pasa den duro pero cu speransa y fe den Dios Aruba lo lanta y
briya.
Misha Raymond: Raiz
ta contra y ta pidi pa
combati corupcion
opi a haya straño e hecho cu den un forma sorpresivo e
H fraccion di Raiz den Parlamento a yama un conferencia di
prensa. Hopi ta mira mas tras di e conferencia aki cu simple-
mente e hecho pa duna nan punto di bista den loke ta tuman-
do luga ultimo dianan.
Ta papia specificamente di e caso Kwihi (inval na cas di dos
exminister di MEP) y caso Besaril. Manera ta conoci, un di e
invalnan ta na cas di exminister Edison Briesen, kende tabata
un coordinador den Gabinete Wever Croes I y den e actual
Gabinete di asignatura geel. E fraccion di Raiz a expresa cu nan
a y ta pidi aclaracion di Gobierno riba e rol di Briesen di awo en
adelanti, mirando e investigacion cu tin andando. Nan kier sa
kico ta e posicion di Gobierno of ki decision nan ta bay tuma.
Otro aspecto, unda cu e lider di fraccion a hiba palabra,tabata
riba e caso di Arubahuis unda cu e exminister plenipotenciario
tabata bou investigacion pa mal uzo di fondonan. E investiga-
cion aki ta cla y tin un rapport entrega na Gobierno. Incluso
Prome Minister a bay Parlamento pa duna informacion riba e
caso aki y kico el a haci te awo, cu el a entrega e rapport na
Ministerio Publico.
Loke nan di Raiz kier sigura ta cu nan ta contra corupcion y
kier mira sigur cu tur e casonan aki ta cana nan caminda. Y
ta keda den man di Ministerio Publico dicidi con e proceso lo
finalisa, esta si ta den Corte. A bisa tambe cu nan ta lamenta
mes cu tin sospecho di casonan asina y si ta cosnan cu por
proba, ta mas pio.