Page 33 - diario dec 23

DIARANZON 23 DECEMBER 2015 DIARIO PAGINA 17

Parlamentario Sr.

Jeffrey Kelly:

Amor
pa nos
cultura a
resalta
durante
festival di
Dande

O R A N J E S TA D ( A A N ) - -
Parlamentario Jeffrey Kelly ta
contento di mira e aceptacion
cu e festival di Dande di
Diadomingo ultimo a gosa di
dje.
Na comienso tabata mustra
cu diferente agrupacionnan
tabatin problema pa mantene
nan mes na e horario stipula cu
ta 6’or di atardi. Pero despues
cu a haya cooperacion di
agrupacion Alma Folklorico
pa entretene e publico cu
tabata presente di trempan
caba, esaki a contribui na
un energia positivo pa cu e
festival. Despues di esaki tur
e agrupacionnan a yega y
despues por a mira un linear
park completamente yen.
Pueblo y turistanan tabata
disfruta di e ambiente cultural
cu tabata reina.
Parlamentario Kelly ta manda
un palabra di pabien na e
incansabel Sr. Harry Croes
cu pa 40 aña a sa di carga e
festival aki den tempo bon y
den tempo malo, demostrando
su amor pa nos cultura y den e
caso aki nos festival di Dande.
Tambe na henter e comision
organisador y e cuerpo di
hurado, encabesa pa Sr. Roy
Sneek cu semper a coopera
como presidente di hurado
durante diferente festivalnan
di cultura.
Parlamentario Kelly tambe
kier a manda un palabra di
pabien na henter e pueblo
di Aruba cu a sa di sostene
e festival di Dande, a pesar
di diferente cambionan cu
tabatin e aña aki, entre otro
cambio di luga y di horario.
Den mesun rosea
Parlamentario Kelly kier a
felicita tur e ganadornan di
e festival di Dande y propio
composicion. Parlamentario
Kelly kier a desea henter nos
pueblo felis dianan di fiesta.
Un bon Pasco y un aña 2016
yena cu pas y prosperidad.