Page 13 - KPA 23 MAART 2016

Señora di edad deteni na aeropuerto debi na
arma haya den su maleta

Publication: Tuesday, 22 March 2016. Categoria: Policial

ORANJESTAD (AAN) Ayera atardi cu tabatin un vuelo pa Merca, un muher a wordo gara cu arma di
candela den su equipahe. Esaki sigur tabata un situacion hopi fastioso.
Ta conoci cu e banda di Merca ta wordo controla severamente. Esaki ta un proceso normal den e parti
americano. Sinembargo e seguridad a bin topa cu un arma, y mester a para un senora di edad di 56 aña
como cu den su maleta a haya un revolver chikito .
Polis a yega na e sitio y a papia cu e senora pa asina investiga exactamente kico ta loke a pasa y for di
unda e senora a saca e arma aki.
Sinembargo e senora di 56 aña a para riba cu e no sa di nada y e no ta esun cu a pone e arma den e
maleta, ademas cu e arma no ta di dje.
Mesora un investigacion a cuminsa y polis a duna ordo pa investiga tur e camaranan di henter e proceso
desde cu e senora a haci entrega di su maleta. Mientrastanto e senora a keda detene.
http://www.diario.aw/2016/03/senora-di-edad-deteni-na-aeropuerto-debi-na-arma-haya-den-su-
maleta/