Page 18 - MIN JUS_Neat

Awe tin anochi informativo na DIMAS tocante proyecto
“Dreamers”

Friday, 05 May 2017 08:53
Comparti

Riba 5 y 12 di mei tin planea sesionnan informativo na e edificio di DIMAS, Paardenbaaistraat 11,
Oranjestad. Door cu ta anticipa cu lo bay tin hopi hende, a planea dos sesion. E anochi informativo lo
consisti di un splicacion cortico tocante e condicionan y e posibilidad pa yena formulario pa registra pa
un cita pa e “proyecto dreamers”.

E anochi informativo aki ta specificamente pa e personanan cu ta kere cu nan por cualifica pa e areglo di
“proyecto dreamers” cu ta encera: 1. Minimo 10 (calendario) aña biba na Aruba y di e 10 añanan aki
minimo 5 (calendario) aña como menor di 18 aña 2. No por tin cuenta cu husticia Pa personanan menor
di 18 aña tin e exigencia cu un voogd of mayor mester por comproba cu e ta e representante legal. E
prome sesion lo cuminsa 7:00 p.m. y ta dura te cu 7:45 p.m. E porta ta cera 7:15 p.m. y e otro sesion lo ta
di 7:45 p.m. te cu 8:30 p.m. E porta lo cera 8:00 p.m. Tur dos sesion lo tuma luga den e sala(nan) na
edificio di DIMAS. Door di exigencianan pa cu e seguridad, e cantidad di cuponan lo ta limita segun e
capacidad di e salanan. Pa esnan cu no por ta presente riba e anochi informativo of cu tin ya suficiente
informacion di e proyecto Dreamers, lo tin foyeto di informacion y e formulario di registro disponibel na
recepcion di DIMAS y tambe por download esakinan for di nos website www.dimasaruba.aw. Por mand'e
e formulario di registro pa cita via e-mail officialdimasaruba@gmail.com. DIMAS lo manda bo via di
email un confirmacion di e dia y ora di bo cita den cuadro di proyecto Dreamers.