Page 70 - MIN JUS_Neat

Minister Dowers orguyoso di miembronan di Cuerpo Policial

Thursday, 04 May 2017 21:59
Comparti

“Nos ta bezig cu e flota nobo pa autonan di surveillance dienst di polis y si ta bon e bid
ta den proceso”.
Di e forma aki Minister Arthur Dowers encarga cu husticia a declara. E titular di
Husticia a remarca cu den e ultimo 8 añanan cu a transcuri, su ministerio den
comparacion cu es nan anterior, a inverti hopi mas den capacitacion di e personal
como tambe den adkeri personalnan nobo pa Cuerpo Polcial. Banda di esaki Minister
Dowers ta di opinion cu no unicamente ta importante pa tin hopi personal pa haci e
trabou di polis, pero tambe ta di sumo importancia pa continuamente nan ta haya curso
y training pa keda brinda un mihor servicio na nos comunidad. Minister Dowers a
continua bisando, cu na momento cu bo haci esaki, ta mas cu claro cu bo mester por
sa, cu bo tin pa inverti den material tambe. “Ta esaki mes nos a bin ta haci pa e ultimo
8 añanan cu a transcuri y mi ta satisfecho y sigur hopi contento cu e resultadonan cu
nos cuerpo policial ta dunando, vooral ora nos mira cu nos pais tin e percentahe di
mas halto, esta di casio 90%, den resolve casonan di crimen”, minister Dowers a
continua bisando. Contrario na loke fraccion di MEP a declara den sala di parlamento,
esta cu cuerpo policial tin apenas 1 auto na warda di polis di Santa Cruz y San
Nicolaas, nos ta desmenti esaki y nos ta bolbe mustra nan cu nos gabinete si, contrario
na esun di MEP den pasado, ta kere den nos cuerpo policial y ta inverti den nan. Ta
mas cu claro cu nunca ta suficiente, vooral den un pais cu a conoce un desaroyo
positivo continuo, manera esun di nos cu a desaroya rapido den apenas 8 aña di bon
gobernacion. Un gobierno cu a traha cu vision y pasion pa e pais aki y e satisfaccion di
mas grandi ta, ora nos tende e bon comentarionan no unicamente di nos hendenan
local, pero tambe di entre otro nos bishitantenan, como tambe di institutonan of
organisacionnan internacional. Minister Dowers a remarca bisando; ‘Nos a presencia e
exposicion di materialnan moderno pa combati criminalidad y nos a papia cu entre otro
Alto Mando sr. Dolfi Richardson y tambe su coleganan alto inspectornan pa nan traha
riba loke ta necesario pa adkeri pa nos Cuerpo Policial ta up to date cu materialnan
sofestica pa sigui cu e bon trabou di combati criminalidad’. Medionan ta disponibel pa
percura pa e sistema keda funcional y keda optimal, segun minister Dowers.