Page 88 - MIN JUS_Neat

Toronto Sun di Canada cu atencion riba asesinato na Aruba:

Sospechoso di asesinato gara durante aresto dramatico arma

na Aruba

Thursday, 04 May 2017 21:56
Comparti

E asesino sospechoso, Michael “Teddy” Gibson, 30, kende ta busca pa polis di Toronto pa e
asesinato di Julian Weekes, a wordo aresta durante un accion masivo door di polis na Aruba,
nos por a lesa den Toronto Sun.

Un asesino sospechoso liga na e guerra di Regent Park Gang, cu a laga un rastro di curpa den su
anda, a wordo gara na Aruba.
Detayenan no tabata mucho cla inmediatamente, pero segun medionan di comunicacion na
Aruba, a reporta cu tres hende homber y dos muhe a wordo aresta diamars despues di un
persecucion policial cu a caba den un accidente, caminda cu e auto sospechoso a bolter den un
drempel.
Fuente di Toronto Sun a confirma cu un di e sospechosonan, cual por a wordo mira riba e foto
riba 24ora.com, ta wordo lastra for di e auto accidenta door di polis y geboei - ta Michael
“Teddy” Gibson.
E homber di 30 aña ta wordo busca pa e morto di Julian Weekes, 29, kende a wordo tira mata
dilanti un bar den Queen St. E., cerca di Parliament St., dia 2 di April, 2016. Weekes tabata
bandonando un velorio pa Ceyon Carrington, 29, kende a wordo tira mata, dianan prome na
Leslieville.
Carrington y Weekes ta entre seis victima di asesinato - incluyendo un wela inocente - mata
entre dia 23 di Maart, 2016 y dia 11 di Februari, 2017, den un pelea sangriento entre Sick
Thugz y un offshoot, conoci como Halal Gang.
Michael Gibson, kende su famia Marcus Gibson ta entre e victimanan, ta encarcela na Aruba.
Polis di Toronto ta na altura di e aresto aki, pero no ta comentando te a e punto aki.
Canada tin un tratado di extradicion cu Aruba, pero polisnan na Canada tin cu warda den rij,
debi cu Gibson ta envolvi den loke ta parce di ta un investigacion homicida riba Aruba.
http://www.24ora.com/index.php?option=com_content&view=article&id=121473:toronto-sun-di-
canada-cu-atencion-riba-asesinato-na-aruba-sospechoso-di-asesinato-gara-durante-aresto-dramatico-
arma-na-aruba&catid=1:local&Itemid=5