Page 17 - KPA

Polis a detene un homber, cu posiblemente

lo a bay horta na San Barbola

4 mins ago 0 0 Views

San Barbola – Dialuna pa diamars mey anochi polis a wordo notifica di un pick up dobbel cabina, a para
dilanti un adres na San Barbola y dos homber a bay den e cura. Mes ora un patruya a bay caminda cu e
incidente a tuma luga.

Na jegada polis ta wak cu ta trata di un tereno basta grandi y a pidi asistencia di mas patruya pa yuda
busca y wak kiko e dos hombernan aki ta buscando.

Pafo berdad nan a haya e pick up color shinishi, cu e dos hombernan a yega cune.

Algun minuut paden buscando, nan a haya un di hombernan cu tawata tin un flanel color cora. E otro lo
a reageer of posiblemente ta mas lihe cu su compañero a logra huy.

Polisnan a busca pa basta rato, pero mirando cu ta scur y un area grandi nan a stop y sali cu e homber
deteni, wardando transport. Polis a haya tambe un machete, cu a wordo confisca.

Propietario di e luga of tereno a presenta y hunto cu polis a tira bista paden. Loke tawata straño ta lo
siguiente.

Den saco di carson di e persona deteni, cu aparentemente lo por tin limitacion mental, ta bin haya un
jabi.
A bin resulta cu e jabi lo ta di doño di e tereno. Si ta corecto lo tawata jabi di un auto, cu e doño a perde
a perde. Pues con e homber aki desconoci pa nan por tin e jabi aki.