Page 19 - bon-dia-aruba-20191123

a19
deporte internacional Diasabra 23 November 2019

Hotelero na Paris rabia pa

acuerdo di IOC cu Airbnb

PARIS (AP) – E mas recien sponsor Olimpico a incita
rabia di hoteleronan Frances, kende a suspende nan
colaboracion cu organisadonan di Olimpiada di Paris
2024 tocante miedo cu e acuerdo di IOC cu e compania
Airbnb lo crea competencia inhusto.

E acuerdo di patrocinio pa nuebe-aña, cinco-wega anuncia e
siman aki ta cuminsa na tempo pa Olimpiada di Tokyo otro
aña, y ta core te cu e weganan 2028 na Los Angeles. Durante
e transcurso di e acuerdo, IOC (International Olimpic Com-
mittee) ta priminti di pone disponibel acomodacion di Airbnb
na balor di sikiera $28 miyon pa atletanan na Olimpiada y
Paralimpiada.

Oficialnan di ciudad di Paris a critica e acuerdo, ya cu nan ta
kere e plataforma ta responsabel pa aumento di prijs di huur
den capital Frances. Ademas a impulsa un ola di rabia den
industria hotelero Frances.

“Awo nos ta wardando pa clarificacion prome cu nos por cum-
insa nos relacion laboral cu organisadonan di Paris 2024”, se-
gun Ophelie Rota, vocero pa Union of Hotel-related Trades
and Industries a bisa AP ayera.

Rota a bisa cu Tony Estanguet, presidente di comite organisa-
do di Paris, ya caba a tuma contacto cu e union pa un reunion
cu meta pa trankilisa e tension creciente. Organisadonan di
Paris a confirma cu Estanguet lo tene discusion cu oficialnan
di e union ayera.

Segun Rota, e hoteleronan kier garantia cu Airbnb lo ser forsa
pa respeta e mesun condicionnan stringente aplica na profe-
sionalnan den industria hotelero, esta standard di siguridad,
servicio di recepcion 24 ora, opcion di desayuno.

Ora Paris exitosamente a duna oferta pa Olimpiada, e oferta di
acomodacion den capital Frances tabata un beneficio fuerte.
Organisadonan di Paris e tempo ey a gaba di mas di 133mil
camber di hotel disponibel, 70% di cual ta localisa dentro di
10km di centro di ciudad. Tambe nan a sigura un acuerdo di
patrocinio cu grupo di hospitalidad AccorHotels y a negocia
prijsnan fiho pa e weganan 2024 cu hotelero.

Union di hotel, conoci como UMIH, a describi e acuerdo
IOC-Airbnb como ‘totalmente irespetuoso pa profesionalnan
di hotel kende ta trahando desde incepcion di e proceso di
oferta cu e team organisado di Paris 2024’.

Anteriormente, oficialnan di ciudad di Paris a tuma accion le-
gal contra e plataforma, den un intento pa duna multa di 12.5
miyon euro na e compania, pa permiti doñonan huur nan
propiedad sin registra esaki adecuadamente. Alcalde di Paris,
Anne Hidalgo tambe a skirbi na presidente di IOC, Thomas
Bach, pa ‘alerta e di e riesgo y consecuencianan’ di e acuerdo
cu Airbnb, y tin plan pa tene un referendum riba e presencia
di e plataforma na Paris si e gana re- eleccion otro aña.