Page 18 - HOH

Booshi Wever: Mas Importacion Di Hende Di Afo Ta

Un Quickfix Cu Ta Hiba Na E “Shortcut To Hell” Pa E

Arubiano!

 Politica
- 01/03/2020

Habriendo e luna cu mester ta e luna di celebracion di nos simbolonan di identidad, ta
hopi importante pa nos, en bes di pensa riba fiestamento, nos para keto y reflexiona riba e
rumbo cu nos kier nos pais bay y te con leu nos por salvaguardia nos identidad como
pueblo, representa dignamente den nos himno y bandera.

“Nos medionan social sinembargo mas ocupa mas cu henter un polemica rond di
celebracion di Aruba-dag na Hulanda y ken ta bay of keda sin bay, mientras cu UPP ta
kere cu nos pueblo mester dedica mas atencion pa e nificado di un dia asina. Esta di ser
orguyoso di nos pais Aruba y orguyoso di ta Arubiano, pasobra nos tin un preocupacion
grandi pa cierto desaroyo cu ta tumando luga actualmente. Y si nos no tene cuenta cu
esaki, lo por nifica cu e Arubiano lo ta riba un “SHORTCUT TO HELL” mas lihe cu nos
ta kere.

E preocupacion aki di UPP tin di haber cu diferente articulonan cu a bin ta wordo publica
e ultimo simannan, mas tanto den e corant Amigoe, na unda ta señala cu pa mantene nos
nivel di bida lo ta necesario pa habri porta pa mas inmigracion.

Kico ta e hustificacion di esaki? Na prome luga pa cumpli cu e tantisimo hotelnan cu ta
planea pa wordo construi, pa cu un turismo cu ya ta mustra di ta satura y ta den un fase di
sobre-turismo, manera e.o. AHATA y parcialmente SER a bin ta señala. Ta argumenta cu
lo ta necesario entre 10.000 pa 15.000 trahado di afo.