Page 58 - MIN VOS
P. 58
28 AWEMainta Diahuebs, 15 Juni 2017
E proyecto Poder di Hubentud Edicion
3 a start sali cu hopi entusiasmo
UN proyecto cu ta duna comunidad e oportunidad pa
inscribi un hoben cu ta hasi e diferencia sea ta den trabao
social, cultural, deportivo, boluntario, mehorando su propio
desaroyo of como entrepreneur, den media (comunicacion),
den arte y musica.
Tanto mayornan, amigonan, maestronan, lidernan y e
hobennan di edicionnan Poder di Hubentud 2015 y 2016
mes a sali busca hobennan potencial den diferente districto,
clubnan social y scolnan buscando e hoben “rolemodel” cu
merece di haya un reconocimento.
ATHA ta carga e proyecto aki y ta hopi satisfecho cu e
acohida unda cu mas di 40 inscripcion a drenta y un total
di 36 hoben a keda nomina e aña aki.
Sr. Ricky Hoek director di ATHA a gradici e hobennan y
comision Poder di Hubentud cu a yuda tanto den duna
informacion pa recruta hobennan como tambe durante di
e sorpresa p’e anochi di nominacion.
Un danki special ta bay pa Reach Your Goal Foundation cu
a prepara un Carrally ficticio p’asina hinca e hobennan den
un sfeer diferente y sin cu nan sa cu nan lo ta e proximo
nominadonan.
Un gran cantidad di auto yena cu amigo, famia y conocinan
a yuda den haci e anochi uno olvidabel pa e hoben nomina.
Na final sr Gregory Milliard hunto cu Annelaine Jacobs
a sorprende e hobennan bisando nan cu nan ta e nomi-
nadonan pa Poder di Hubentud 2017. Bou di aplauso,
apoyo di tur famia y amigonan presente a entrega uniform
y certificado n’e hobennan cu lo sigui e trayecto di Poder
di Hubentud 2017.
Un danki tambe na Centro di Bario Noord pa nan aporte
n’e evento aki. Hobennan hunto cu nan mayornan a sinta
hunto cu comicion p’asina mira con henter e proyecto y
cursonan ta hinca den otro. Algun di e hobennan lo no por
cumpli cu henter e trayecto mirando cu nos tin hobennan
atleta cu mester respresenta nos país den exterior of ta sigi
nan estudio den exterior.
Mayornan satifecho a duna aprobación y awo e trayecto
mes ta cuminsa cu e diferente cursonan y momentonan di
teambuilding. Durante simannan benidero nos lo duna mas
informacion di cada nominado di Poder di Hubentud 2017.
