Page 6 - MIN VOS
P. 6
Feria Nacional cu participacion grandi ariba 17 y 18 di Juni
na Villa Floralina
Thursday, 15 June 2017 11:13
Comparti
Ta premira cu Feria Nacional lo bira uno interesante mirando e participacion y interes cu tin entre e
caballistanan. Tin mas cu 30 cabay inscribi, di cual tin varios ehemplar cu tin algun feria cu no a competi,
pues lo ta interesante pa mira e desarollo di e cabaynan aki despues di a tuma un ‘break’ di e pista di
competencia.
Ta papia aki di ehemplarnan como Socio de Alto Vista, Tormentosa, Insomnio, La Rima, y Catalea pa
menciona algun. Tambe tin ehemplar nobo ta sali pa prome biaha den pista, como tambe ehemplar cu a
cambia donjo recien. Tur esaki ta hasi e Feria aki di bira uno interesante, como tambe e lo ta e ultimo
feria prome cu e competencia mas grandi di anja, cual ta Interpaso. Ariba diasabra e competencia lo
cuminsa pa 6’or di atardi na Villa Floralina cu e categorianan di Paseo, sigi pa Trote y Galope, Trocha,
Paso Fino y lo sera e anochi cu e categoria popular di Donjo Juvenil. Diasabra competencia lo cuminsa pa
3’or di atardi cu Youth Horsemanship, un categoria nobo cu ta duna oportunidad na jinete y amazona pa
demonstra nan maneho y dominio riba un ehemplar.
E atardi ta sigi cu e categorianan di Jinete y Amazona regular, y na final di anochi lo tin un competencia
special pa tur tata. Nan lo tin aki e tarea di demonstra nan habilidad riba cabay pero cu un toke unico.
Danki na Aruba Trading y nan cerbes Presidente e participacion di e tatanan lo ta gratis y cu premio pa
tur! Lo tin un cushina y bar bon surti, y musica ta den man di DJ Alvin. Juez pa e feria lo ta sr. Willman
Rodriguez di Puerto Rico, un juez cu tin por lo menos 10 anja sin juzga na Aruba, pues lo bin cu wowo
fresco pa juzga tur ehemplar y mucha den competencia.
