Page 64 - MIN VOS

AWEMainta Diahuebs, 15 Juni 2017 37

Brazil Juniors a

organisa car wash

pa recauda fondo

RECIENTEMENTE Brazil Juniors a
organisa un car wash pa recauda fondo pa
nan por cumpra material pa tur e teamnan
di futbol.
Nos di Brazil Juniors ta masha contento cu
e benta di e carchinan pa nos car wash cu
sigur lo haci un diferencia grandi den nos
pot, pero ainda ta falta p’asina nos por yega
nos meta. Nos tin varios team di futbol for
di chikito te cu grandi.

Nos ta sumamente contento cu tur hende
cu a coopera cu nos team y a cumpra nan
carchi y nan a trece nan autonan pa wordo
bon laba. Esaki tabata djis e comienso di nos
car wash pa recuada fondo y cu sigur lo sigui.
Nos tin mester di uniform, bala, fluit, cones,
ijs jugs, pump y material di opstakes p’asina
nos por yega nos meta.
Brazil Juniors ta bon conoci na mundo y aki
na Aruba tambe.

Riba e compilacion di potretnan por mira
algun auto cu a keda ta briya dor di nos
team cu a laba auto for di 9’or di mainta te
cu casi 3’or di atardi, mirando e fila largo di
auto cu a bin pa wordo laba.
Danki n’e pueblo di Aruba cu a coopera cu
nos di Brazil Juniors.