Page 23 - KPA 31 March'15

Plataforma Ley di Cacho cu Directiva Nobo

· Mar 30th, 2015
· Local

Den su ultimo reunion general Plataforma Ley di Cacho (PLdC) ta haya un directiva nobo. Veterinario Pieter
Barendsen ta keda eligi como presidente mientras cu Debbie Kunder, Shohaira da Silva y veterinario Andreïna
Contreras lo fungi como vice presidente, tesorera y secretaria respectivamente. Pa medio di esey PLdC ta duna un
senal cla cu nan kier continua, despues cu sra Trudy Hassell a retira. Sra. Hassell tabata e persona cu a tuma e
iniciativa pa yama y uni stakeholders manera polis, veterinario, grupo cu ta sali na defensa di cacho, Servicio
Veterinario, Serlimar, Directie Wetgeving y otronan pa brainstorm riba e problematica di cachonan cu ta canando los
riba caya. Danki na Hassell su iniciativa PLdC a logra cu e ley di cacho a drenta na vigor prome di Januari 2015. E
asina yama Hondenverordening, aunke aproba unanimamente den parlamento na 2012 casi lo a finalisa den lachi
pasobra, gobierno no a pone placa disponibel pa bin cu’n campaña di educacion rekeri, prome cu e ley por a drenta
na vigor. Cu ayudo di voluntarionan y fondonan priva PLdC a logra hiba un campanja educativo durante fin di aña
2014 cu a pone Minister di Husticia, Mr. Arthur Dowers pasa e ley di cacho pa uno activo pa prome di Januari 2015.
Ley ta stipula cu donjonan y cuidadornan mester asumi responsabilidad pa e bienestar di su cacho. Implementacion
na prome instancia tambe lo ta dirigi pa hala atencion di donjo of cuidador pa tene su cacho riba su tereno y pafor
cana cu ne na linea. Ministerio Publico ta stipula boet entre Afl. 300,- y Afl. 1000,- asina facilitando e trabao di polis
pa actua riba e ley. Polis ta lansa un proyect piloto pa gana experiencia y evalua e implementacion. PLdC ta aplaudi
e tactica, pasobra ta conoci cu majoria cacho riba caya tin donjo of cuidador. A bira tempo pa mustra nan riba nan
responsabilidad diacuerdo cu e ley nobo. Cu mas doño responsabel e problematica di cacho los riba caya por
mehora considerablemente y na un manera duradero.
Aunke e ley ta permiti gobierno pa piki cacho, e gastonan involvi (personal, ekiponan, lugar pa warda cacho,
administracion etc) ta asina halto cu no por haci esaki actualmente. No ta cualkier departamento of organizacion por
eherce e trabao aki. Actualmente Polis ta confisca cacho solamente ora ta trata di un situacion peligroso. E tarea
principal di PLdC ta pa educa hende riba e ley y crea mas donjo responsabel. Lema di PLdC ta: “Cu 100% doño
responsabel no tin cacho los riba caya”. Pikimento di cacho no ta crea doño responsabel. Pesey e no ta prioridad di
PLdC, aunke den casonan specifico e ta necessario pa piki e cacho.
PLdC lo keda activo pa crea mas donjo responsabel entre otro cu proyecto na scol cu sosten di sector priva.
Plataforma ta traha pa uni tur stakeholders y duna nan sosten den nan trabao, manera training pa polis na scol di
polis.Tambe por acerca PLdC via Facebook pa informa tocante pregunta of casonan di donjo irresponsabel y nos lo
purba intermedia.Pa mas informacion bishita :www.plataformaleydicacho.org

http://masnoticia.com/plataforma-ley-di-cacho-cu-directiva-nobo/

Problema a escala un rato na Airport entre algun turista
pa motibo di placa

· Mar 30th, 2015
· Policial, Splash

Dialuna atardi mientras cu Polis na Airport tabata atendiendo cu un problema entre algun turista debi na ken a coy
placa di ken abou, pero esaki a bay for di man cu a bira un bululu grandi. Ya cu un turista lo a laga placa cay abou y
otro a pasa man pe y ta bisa cu ta di dje y esaki a bira un confrontacion dilanti e oficial. Ya cu esaki a bay for di man
resfuerso policial a yega inmediatamente pa yuda nan colega. Asistencia di K9 unit tabata rapido y aki a yuda tambe