Page 9 - FDLP
P. 9
Den fin di siman Ellon Donker y Gilson Lourens di Corsou y Monica Urrego di
Colombia tabata na Aruba. E meta di e bishita tabata pa papia tocante di Best of the Best
na Aruba, TK5 y camp training na Corsou y e campamento na Colombia.
Ellon Donker actualmente ta e Presidente di Taekwondo Bond di Corsou y Gilson
Lourens ta coach di Corsou. Tin un laso pa hopi aña caba entre Aruba, Corsou y Surinam
den Taekwondo y awo kier amplia y haci esaki mas grandi hunto cu Colombia.
E aña aki Aruba a participa den e TK5 na Corsou y a topa cu Monica Urrego for di
Colombia y aki a cuminsa forma un laso cu Colombia tambe.Ellon Donker a bisa cu e
laso entre Aruba, Corsou, Surinam y awo Colombia mester keda pa sostene otro
participando na eventonan di otro. Cornel Djaoen a haci varios pregunta tocante kiko tur
por spera pa 2020 for di Corsou y Colombia, mirando cu 2020 ta bay ta un aña cu masha
hopi actividad. Cornel Djaoen a haña complimento positivo for di Corsou tocante e
video replay. Aruba ta un Isla chikito den Caribe y tin video replay den Taekwondo.
Alberto Klabér a keda masha contento cu Corsou a haci e esfuerso pa bin Aruba pasobra
Monica Urrego tabata na Aruba. Nos a sigui papia ariba e tema cu nos tabata papia na
Corsou den luna di November na e TK5 di Corsou. Awo cu esaki nos por conta cu un
Pais mas den e kring loop di Best of the Best 2020.
