Page 7 - AM200603
P. 7
Diaranson, 3 Juni 2020 AWEMainta 7
Patruyanan intensivo lo
continua rond di islanan ABC
Guardacosta hunto cu Defensa lo
continuá cu patruyanan intensivo
rond di e islanan di Aruba, Bonaire
y Còrsou. E patruyanan amplio akí
ta principalmente pa evita yegada di
lanchanan cu
personanan indocumenta na bordo cu
por ta infectá cu e vírùs di COVID-19.
Na momento cu e personanan akí
yega e islanan sin ser controlá nan
por forma un peliger pa habitan-
tenan. Ta conocí cu e lanchanan cu ta
ser uza p’e biahenan mayoria biaha
no ta ekipá pa haci e tipo di biahenan
akí y ta hiba demasiado persona na
bordo di un forma iresponsabel.
E biahe for di Venezuela p’e islanan
ABC ta uno peligroso pa motibo cu e
laman por ta bruto. Tur e factornan
mencioná ta forma un riesgo enorme
p’esnan na bordo.
Den pasando, pero tambe reciente-
mente famianan a pèrdè nan sernan
keri den accidente cu lancha.
Guardacosta ta alertá personanan pa
no cuminsa n’e biahe peligroso akí. E
sistema di radar hunto cu unidadnan
aéreo y di nabegacion di Guardacosta
y Defensa lo siguí patruyá p’asina tin
grip riba e fronteranan marítimo.
Tur e patruyanan di Metal Sharks lo
ricibí sosten di milicianan di Caribe
p’asina efectuá vigilancia 24 ora pa
dia durante 7 dia pa siman.
Alabes e patruyanan ta vigilá y prote-
há e fronteranan di transportenan di
droga, traficacion di hende y di arma.
