Page 30 - MIN VOS JAN 29,2016

AWEMainta Diabierna, 29 Januari 2016 29

Bo ta gusta deporte? E estudio di CIOS por ta net algo pa bo

Anochi di Informacion
pa Test di CIOS

DEPORTE y movecion ta algo cu bo gusta? Un estudio na ‘Centraal

Instituut voor de Opleiding tot Sportleiders’ CIOS, por ta algo pa bo.
Esaki ta un estudio pa formacion deportivo riba nivel di MBO cu na final
ta conduci na un profesion den cual deporte y ehercicio ta importante.
E estudio ta tuma luga na Hulanda na 5 instituto.

Cu un diploma di CIOS, bo por traha na Aruba den e sector Horeca, cu
un club of un organisacion deportivo, tambe na e. o. Stichting Geestelijk
Gehandicapten, KIA of Cuerpo di Bombero.

Admision pa Estudio CIOS:
Hobennan cu ta interesa mester ta un studiante cu ta den su ultimo
aña di MAVO 4, of cu a gradua caba di MAVO 4. Tambe studiantenan
di EPB-doorstroom (Niveau 1). E aplicante mester haci un test fisico
pa mira si e ta cualifica pa drenta e instituto na Hulanda. Otro test cu
tambe mester wordo haci prome, ta test di e idioma hulandes y test di
rekenen. Ta preferibel pa e hoben tin 18 aña di edad, pa e por aplica pa
un fiansa di estudio DUO na Hulanda, mirando cu Aruba no ta duna un
fiansa pa estudio riba e nivel di MBO.

Diahuebs dia 11 di februari 2016 ta bay tuma luga un anochi di
informacion na oficina di ASU den Centro Deportivo Libertador Betico
Croes na Sta. Cruz. Esaki ta cuminsa pa 7’or di anochi.
Hobennan cu ta interesa pa haya sa mas rib’e estudio di CIOS ta keda
cordialmente invita pa asisti na e anochi di informacion compaña pa
nan mayor.

Esnan cu ta interesa y ta desea mas informacion por tuma contacto cu
sra. Jacqueline Ponson van Putten na telefoon 5824987 ext. 246 of
atrabes di email Jacqueline.vanPutten@aruba.gov.aw.