Page 81 - MIN VOS JAN 29,2016

Djabièrnè 29 Yanüari 2016 43

...Gobièrnu ta kore
riesgo di claimnan

grandi...

AINDA NO A
KUMINSA KU
INFORMASHON
RIBA LEI KONTRA
HUMAMENTU

WILLEMSTAD.-
Meskos ku den e kaso
di Zika i promé ku esei
chikungunya, Gobièrnu
di Kòrsou ta neglishando
un tema importante mas:
e lei kontra humamentu
den lugánan será ku lo
drenta na vigor aki un par
di siman. Te ainda no a
kuminsá ku e kampaña
di informashon riba e
situashon nobo aki ku lo
bai tin den tur lugá será di
Kòrsou. E situashon nobo
lo kambia e patronchi
soshal drástikamente
pasobra lo no permití
mas pa huma den ningun
establesimentu será
(inkluyendo si ta sitionan
di dibertishon i trabou
privá). Staten a aseptá e lei
aki pa protehá humadónan
“pasivo” ku ta esnan ku ta
sufri di huma konstante,
manera por ehèmpel
hendenan ku ta traha den
restorant, café òf kasino.
Tin hopi kaso di pulmon i
otro kehonan serka e grupo
aki.

E siman aki un abogado
prominente a bisa ku
Gobièrnu ta riskando
dos problema serio. Na
promé lugá hendenan
ku pa motibu di e lei aki
a haña e speransa ku lo
kuida i protehá nan di
huma, lo por demandá
gobièrnu. Ademas por
surgi problemanan serio
na diferente lugá será, ora
esnan ku ta protehá pa
lei reklamá esnan ku no
opstante e lei aki ta sigui
huma.

E kambio di lei ta un
inisiativa di Partido Pais
ku despues di diferente
estudio a presentá un
modifikashon fundamental
den e lei aki. Den e kuadro
aki e partido a haña
informashon tambe di un
grupo, enkabesá pa un
abogado lokal, ku a bin ta
mustra riba e situashon
ku tin aktualmente i ku ta
violá derechi di e individuo
pa rekreá i traha den un
ambiente sano. Dia 26 di
febrüari aña pasá, Staten
a aseptá e kambio aki

Sigui lesa pagina 45