Page 89 - MIN VOS 29 MAY 2017

Sandy Rasmijn-Leito a haya oportunidad di participa den
clinica di FINA

Sunday, 28 May 2017 10:02
Comparti

Recientemente Minister di Salud Publico, Cuido di Nos Grandinan y Deporte, dr. Carlos “Alex” Schwengle a topa cu e
atleta di landamento Sandy Samanta Rasmijn-Leito na aeropuerto pa asina desea e instructor un biaha y exito den e
FINA International Clinic Swimming for All – Swimming for Life Programme, cu a tuma luga na Bangkok,
Thailanda.

Union Americana de Natacion a informa cu FINA a invita Sandy Rasmijn-Leito pa participa den e clinica hunto cu
otro 9 atleta di e Union Americano.

Durante e encuentro Minister Schwengle a compromete su mes pa topa cu e instructor na su regreso pa asina scucha
e experiencia di Sandy Rasmijn-Leito y di e plannan pa futuro. Na aeropuerto Sandy Rasmijn-Leito tabata den
compania di su esposo, 2 yiu y mayornan, kendenan hunto cu Minister Schwengle a desea e instructor exito. Sandy
Rasmijn-Leito tabata sumamente agradecido pe oportunidad cu el a haya pa representa Aruba durante e FINA
Internacional Swimming Clinic.

E aña aki Fédération Internationale de Natacion (FINA) a tene nan prome clinica Internacional di FINA cu a tuma
luga dianan 15 – 17 di Mei. E clinica aki ta di nivel halto y FINA a scoge 10 instructor di landamento den region di
America pa forma parti di e clinica. E clinica aki ta uno intensivo unda cu nan lo a topa instructor Dr. Sam Ramsamy,
profesor Osvaldo Arsenio, Dr Margo Mountjoy cu nan team di profesionalnan den varios ramo. Presidente di FINA
dr. Julio Maglione tambe tabata presente na e clinica aki.

Minister Alex Schwengle ta sumamente contento di mira cu ta reconociendo e deporte di landamento di Aruba y cu
un instructor a haya e oportunidad di representa Aruba.