Page 17 - AWEMAINTA

Dialuna, 16 December 2019 AWEMainta 17

Despues di Christmas Dinner:

Chauffeur burachi a basha cura di cas abou

DIASABRA anochi lat pa mas o menos 11:30, Polis a

bay Cas Paloma pa un auto cu a dal contra un cura di

cas.
Na yegada di Polis, nan a bin topa cu e auto cu despues

di a dal e cura di cas kibra a bay para bou un mata di
Kwihi. Mirando con e auto a keda Polis por a pensa riba

velocidad halto y core auto bou influencia. Tabata trata

di un Toyota Yaris hatchback color shinishi scur.

Polis di Trafico a bay atende cu e chauffeur, kende a

resulta di ta un dama.
E agente di trafico a duna e dama ordo pa supla, pues

a usa e Alco-sensor. Aki ta unda cos a cuminsa bira

fastioso, di parti e dama.
Dado momento e dama a cuminsa burla di e agente,

despues di e dune tres chance, Polis su pasenshi a caba,
y a bay over na pidi Transportwagen.

Segun nos a compronde e dama lo a sali di un Christ-
mas Dinner y a bebe di mas. Na Cas Paloma el a bay

pasa auto y a perde control bahando caminda bay dal
contra cura di un cas. Suerte cu e no a causa daño na su

mes of na otro hende. Daño material ta grandi.