Page 10 - AWEMAINTA
P. 10
10 AWEMainta Diabierna, 8 November 2019
Panico diahuebs mainta,
ora dos persona a baha
cu Parachute den lama
DIAHUEBS den oranan di mainta varios patruya a
bay e area unda e compania cu ta practica Skydive.
Den lama su dilanti, segun e prome informacionnan
dos persona lo a cay den lama momento cu nan tabata
bahando cu Parachute.
Segun nos a compronde, lo tabatin un tardansa den e
parachute principal y esaki a causa cu e Instructor a
usa e parachute di reserva.
Esaki probablemente a causa un tardansa y cu a des-
via di baha unda ta supose di baha.
Momento cu nan a baha den lama esaki a causa cu
esnan cu a mira esaki, a pensa lo peor y a bati alarma.
Pero na yegada di e autoridad y tambe ambulance, ya
e instructor y e cliente tabata canando riba beach. Am-
bos persona tabata ok, pues danki Dios tur cos a sali
bon.
Asina mes Paramediconan a haci nan control
Pues pa recapitula, durante cu nan tabata bahando
cabuya di e parachute principal aparentemente tabata
bruha den otro y esaki posiblemente a causa un tar-
dansa unda cu e instructor a opta pa usa e parachute
di reserva, causando cu a nan no a baha unda nan ta-
bata planea pa baha.
Cuatro aña pasa segun nos a compronde un incidente
a sosode y tampoco tabatin hende cu a resulta herida.
Nos no por bisa si por ta trata di un incidente similar.
E compania aki tin basta aña estableci aki na Aruba.
