Page 38 - AHATA

wordo kita y trata te den e siguiente Conseho di Minister di Reino, cual ta den luna di

november. Ta parce pasobra nan ta trahando riba algo of ta pidiendo tempo pa por cumpli

cu peticion di Hulanda, entre otro adaptacion di e LAft.

Manera ta conoci, pa algun luna caba e tema di “aanwijzing” ta wordo menciona pa

wordo poni riba agenda di RMR riba peticion di Secretario di Estado. Pero tabata na

september cu “College Aruba financieel toezicht” (CAft) a duna un conseho na RMR riba

esaki, esta pa duna Aruba un “aanwijzing”. E situacion financiero y cumplimento cu

condicionnan di CAft ta manera un batata cayente cu ta wordo tira di un banda pa otro.

Hulanda ta persisti cu Aruba no ta cumpliendo mientras cu Gobierno di Oranjestad ta

sacando comunicadonan na cantidad mustrando con a bin ta bahando e gastonan for di

2015 te awo.

Download [0.97 MB]

Minister di Finanza Xiomara Ruiz Maduro e siman aki a skirbi: “Minister Ruiz-Maduro

ta informa cu CAFT no ta satisfecho cu tur e trabounan cu Gabinete Wever-Croes ta

haciendo. Apesar cu CAFT a duna un evaluacion positivo riba e cifranan di e di dos

kwartaal di e aña aki, CAFT a conseha Conseho di Minister di Reino pa duna Pais Aruba

un ‘aanwijzing’.”

Menasa KB

Tambe e mandatario a bisa:

For di e cuentanan anual di Pais Aruba pa 2018 ta resulta cu Gobierno a cumpli cu e

norma di deficit pa 2018 y a keda den margen di e apoderacion cu Parlamento a duna

Gobierno pa por haci gasto. Pa 2019 te cu e di dos kwartaal, Gobierno ta cumpliendo cu e

apoderacion di Parlamento. Riba e hecho aki CAFT a raporta positivamente. Pero

locual CAFT ta keda cuestiona y ta pidi cambio di presupuesto pe ta e fondo di Crisis