Page 81 - AHATA
P. 81
E trahadonan di Isla na Corsou a blokea
caya caminda director di RDK ta biba
Posted on 10/16/2019 11:01 am AST | Updated on 10/16/2019 11:01 am AST
WILLEMSTAD - E trahadonan di Refineria Isla ayera nochi den careda di 10 or a basha
bay entrada di Isla Post 7 y a blokia esaki. Niun hende por drenta of sali. Despues nan a
bay na cas di director di Refineria di Corsou, Chonky de Lannoy, y a blokea e caya pa
oranan largo, pendiente un prueba di e veredicto di corte cu ta indica cu e beslag ta
solamente riba e fondonan di Aqualectra destina pa pago na Refineria Isla.
Despues cu e trahadonan a haya un copia di e veredicto, pa aclareacion nan ta desea pa un
abogado studia e veredicto.
Ayera anochi e reaccion di e trahadonan ta riba e beslag cu ayera Refineria di Corsou a
pone riba Refineria isla y nan tabata kier pa lanta e beslag.
Refineria Isla mes ta lamenta e situacion aki y ta stroba nan di por traha, mirando cu hasta
petroli nan a caba di haya.
E trahadonan ta rabia, pasobra e beslag ta pone nan salario di fin di e luna aki na peliger.
