Page 15 - BNDIA ARUBA

A15
HENDE Dialuna 13 november 2017

Exhibicion di arte na VNO

cu bishita di fraccion di AVP

ORANJESTAD - E studiantenan di Academy of Fine
Arts and Design Aruba a presenta nan exhibicion na
‘Vertegenwoordiging van Nederland in Oranjestad’
(VNO), y esaki den presencia di fraccion di AVP, segun
un relato cu nos a haya.

Segun Jennifer Arends-Reyes e exhibicion di arte di e studi-
antenan di Academy of Fine Arts and Design Aruba, semper
a conta cu presencia di fraccion di AVP. “Arte ariba su mes ta
sumamente interesante y mas ainda na momento cu cada obra
tin un storia y un tecnica su tras.” Tawata un anochi caminda
cu diferente invitado por a disfruta di musica di steelpan y
tambe tuma e oportunidad pa intercambia ideanan cu otro
invitado.

E studiantenan di Academy of Fine Arts and Design Aruba
ta sumamente talentoso y tin careranan briyante nan dilanti.
Hopi di nan ta scoge pa sigui studia den exterior y no necesar-
iamente na un Universidad cu ta afilia na Rietveld, e director
a splica.
Dependiendo di e interes di cada studiante nan ta yuda nan
pa nan defini un estudio cu tin corelacion cu locual nan a siña
como base na Aruba pa sigui cosecha exito.

E luga di e recepcion y exhibicion cu ta VNO tin un balor
simbolico mirando e lasonan cu tin entre Aruba y Hulanda

como madre patria. Durante
e gobernacion di AVP a per-
cura pa diferente entidad y
ramo tin partnernan strate-
gico pa asina percura pa nos
tin un base solido pa cualkier
proyecto na beneficio di nos
hoben nan y pueblo en gen-
eral. Na Aruba tin hopi tal-
ento tanto muchanan, hoben
nan y hende grandi, caminda
cu gobierno mester percura
pa ofrece oportunidadnan
positivo pa cada un por desa-
roya nan. Den e caso specifi-
co aki ta toca Enseñansa, arte
y diseño, sra. Arends-Reyes a
termina bisando.

Like us on
Facebook

facebook.com/bondianoticia