Page 33 - MIN ON

ORANJESTAD (AAN) – Presidente di Sindicato di Maestro di Aruba, sra. Sheila Tromp, a
duna di conoce den entrevista cu Matutino DIARIO, cu SIMAR a tuma nota di e carta di
e mayornan preocupa cu nos enseñanza, pero nan no a reuni riba e puntonan aki.

Sra. Sheila a menciona cu nan ta reconoci si, e puntonan cu nan mes como sindicato ta
discuti, na momento di reunionnan, of como preocupacionnan cu nan mes ta trece
dilanti.

Di e diferente puntonan cu e señora (Marjorie Vermeer-Luidens) a trece dilanti, nos a
haya un invitacion pa sinta cu e grupo aki, pero lamentablemente esey no a sosode.

“Pero nos ta contento tambe cu tin mayornan cu ta preocupa pa e situacion di

enseñanza di nos pais Aruba. Nos tin hopi mayor eyfo cu nos ta tende cu tin
preocupacion y ta trece esaki dilanti for di otro angulo; puntonan hopi interesante y
valido, pero nos mester si cuidao cu no compara pais Aruba cu otro paisnan cu kizas
tine mihor, pero si ta hala nos atencion na unda sra. Vermeer ta indica cu e orguyo di

Aruba ta esun cu ta haci cu nos no ta yega na tin fondonan necesario pa nos
enseñanza. Esaki ta algo cu kizas, nos mester bay wak te con leu ta berdaderamente
asina, con por facilita e directivanan tambe, kizas e scolnan directo, of kizas e minister
di enseñanza pa hunto nos yega na e fondonan cu e ta papia di dje. Pero sigur ta

puntonan cu ta hopi valido”, sra. Tromp a subraya.

Sra. Sheila Tromp a indica cu esakinan ta puntonan cu ta bay wordo discuti den seno di
SIMAR, y cu e ta kere cu ta na su lugar pa yama un reunion cu e comision di

personanan preocupa, pa scucha di nan mas concreto kico ta nan inkietud y pa sa e
informacion cu nan tin, pa wak con hunto por yega na un mihor forma pa traha y sigur
pa mehora nos enseñanza na Aruba.

http://www.diario.aw/2017/07/simar-lo-yama-grupo-preocupa-cu-nos-sistema-di-
ensenanza-na-un-reunion/