Page 62 - MIN ECEM

directa of indirectamente. Y mi lo kier impulsa mas ainda den e lunanan nos dilanti. Nos
lo mira mas hende wordo emplea den e lunanan nos dilanti. Pa nos e localnan tin
prioridad esaki tambe ta locual mi a enfatisa durante nos ultimo bishita na Venezuela.
Contratistanan local y trahadornan local ta mi prioridad”, Minister Paul Croes a reteira.

A tuma nota cu oposicion kier purba crea e impresion eroneo cu lo tin un cantidad
grandi di personanan di Trinidad of for di Venezuela na caminda pa Aruba y Minister
Paul Croes a mustra cu esaki no ta cuadra cu e realidad. Locual oponentenan politico
ta purba haci ta crea incertidumbre den e logro importante aki di Gobierno di AVP.

“Ami ta Minister di Labor di Aruba y ta para pa trahadornan local. Te na e momentonan
aki mi por informa nos comunidad cu tin 350 posicion directo y indirecto a wordo yena
pa trahadornan local y nos lo continua riba e rumbo aki tambe. Oposicion ta trata na
bruha tera cu cosnan cu no ta cuadra. Mi ta percura cu nos localnan haya e prome
opcion pa empleo. Ta tatanan y mamanan di famia Arubiano y hendenan cu añanan
biba na Aruba cu ta contribui na nos economia. Mi ta lamenta cu pa motibo di
desesperacion politico ta trata na troce berdad pa pueblo,” Minister Paul Croes a
mustra.