Page 69 - MIN ECEM

Ta di compronde, despues di a tende yen di storia, cu nan ta hamer ariba e
defect di e busnan. Segun Sr. Croes, garagenan ta trahando mas cu nunca pa
mantene e busnan ariba caminda. Niun bus no ta sali sin cu e ta apto pa sali.

Arubus lo no pone ni bida di e clientenan ni nan trahadonan na peliger. Busnan
cu wordo gekeurd door di DTI, eseynan ta ariba caya.

Sindicato no ta contento cu e rapport cu Arubus a manda, pero segun Sr. Croes,

nan mester discuti e rapport. Si e ta cortico, pero ta tanto bus tin. Kico ta wordo
haci y kico a wordo haci caba.

Tur e busnan ta wordo inspecciona y drecha. Ultimamente cu tin defectonan y e
busnan aki ta wordo para pa wordo drecha. Tur cu tin un of otro problema ta

wordo treci aden. Tur hende sa cu e flota mester wordo renoba, y Aruparking lo
mester a genera pa paga Arubus pa asina amplia e flota. Arubus a haya un

lening na banco, pero no por sigui cu esaki, ya cu Aruparking no ta generando
placa. Dus aworaki ta keda na gobierno, con ta sigui cu e proceso aki.

Experiencia di Arubus ta cu e Volvo bus ta e mihonan. Pero esakinan tambe tin

problema cu nan. Pero tin dos factor, uno e trafico ta full diferente cu otro parti
di mundo y door di core, para esaki ta gasta e busnan tambe. Y tambe e calidad
tambe a bay atras. Un otro factor tambe, ta cu tin hopi bon chauffeur pero tin

un grupito cu ta caba cu e busnan, door di coriendo na velocidadnan halto, pasa
riba e sleeping police sin para. Nan no ta cumpli cu e normanan. Tur e cosnan

aki ta afecta e busnan.

Durante e reunionnan aki, Sr. Croes a bisa cu Sindicato a bisa di kier garantisa
e cuponan di trabao, pero sindicato mester conscientisa e trahadonan cu nan

mester cuida nan trabao. Cu e diferente accionnan cu nan ta tuma, door di
welga, nan no ta afecta Teo Croes, nan ta afecta e compania directamente, for
di unda nan ta ricibi nan pan.