Page 10 - MIN SJA DEC 16, 2014

Minister di Asuntonan Social, Hubentud y Labor: Aña 2015
Partipacion di hobenan central

Monday, 15 December 2014 21:02
Comparti

Minister Paul Croes a mustra cu pa aña 2015 e enfoke di su maneho social, laboral y di hubentud lo ta
dirigi riba mas participacion. Participacion riba e mercado laboral, participacion na proyectonan social,
participacion na trabounan boluntario, participacion di personanan cu limitacion, tur esaki enfocando
riba un pais mas participativo y activo.
Den luna di februari 2014, Minister Paul Croes hunto cu diferente organisacionan social lo inicia un
proyecto nacional unda hobenan lo participa activamente na fundacionan cu meta social. Esaki sigur lo
motiva hobenan pa ta mas consiente riba e situacionan social den nos pais. Durante 3 luna hobenan
entre edad di 14 pa 23 aña lo tin e oportunidad di conoce e fundacionan, nan trabounan, nan clientenan y
sa mas di e situacion social di nos pais. Minister Croes ta masha entusiasma cu dicho proyecto. Tambe
diferente programanan dirigi riba "Jeugdparticipatie" lo inicia den 2015. Ya caba Minister a aserca
diferente companianan den sector priva pa asina hobenan entre e edad di 14 y 25 aña haya e oportunidad
di hasi un tipo di stage (mentorship program) serca e companianan. Tambe Minister Paul Croes tin un
ekipo dinamico trahando riba e proyecto Poder di Hubentud cual su inicio tambe lo ta na Januari 2015. E
proyecto aki tambe lo ta dedica na hobenan cu ta destaca den un forma positivo cu ta demostra e Poder
di nos hobenan aki na Aruba.

http://www.24ora.com/politica-mainmenu-18/89765-minister-di-asuntonan-social-hubentud-y-labor-
ana-2015-partipacion-di-hobenan-central

Minister Paul Croes: Nota di Maneho dirigi riba personanan
cu Limitacion na Aruba

Monday, 15 December 2014 20:50
Comparti