Page 18 - AAA_Neat

Diahuebs pa prome bes a yega Aruba un avion di Royal Qatar Airlines Airbus A-319 cu 14 miembro di
tripulacion abordo. E avion ta pertenece na famia Real di Qatar. Un di e yiunan di e Sheik a yega Aruba
den siman caba abordo di KLM pero a charter un avion pa bay sambuya cu algun amigo na Boneiro.
Ta parce cu e miembro di famia Real di Qatar gusta deportenan extremo y den e cuadro aki a scoge pa bini
nos islanan pa duik. E no a bin su so, pa cual hunto cu algun famia y amigo ta disfrutando di e calor di nos
islanan y di tur locual naturalesa tin di ofrece, specialmente nos rikesa den laman.
Mayan e avion, probablemente cu e miembronan di famia Real di Qatar lo sali pa Venezuela. E motibo
pakico a bin para e avion na Aeropuerto Internacional Reina Beatrix ta debi na e hecho cu ta sinti cu aki e
avion lo ta mas sigur. Pues, separa di tur locual nos aeropuerto y nos isla tin di ofrece, e aspecto di ta
"sigur" tambe ta halto riba e lista di motibonan dicon ta scoge nos riba cualkier otro destinacion.

 Avion di Sheik a scoge Aruba pa nos siguridad 05-14 Preview - 24ora.com
 DTP, Cuerpo Policial y AAA trahando hunto pa combati e fenomeno di taxinan

ilegal
Thursday, 14 May 2015 17:41

Comparti

Departamento di Transporte Publico (DTP) hunto cu polis y personal di seguridad di aeropuerto tin algun
siman caba trahando hunto pa combati e fenomeno di taxinan ilegal.
Manera ta conoci, Minister Otmar Oduber hunto cu e departamentonan concerni, ta hibando un maneho
pa evita transporte publico ilegal y desde aproximadamente 2 siman DTP, Cuerpo Policial y AAA ta
realizando controlnan extenso y a stop varios taxi ilegal.
Varios biaha ta haya cu esnan cu ta busca turista na aeropuerto pa hibanan nan destinacion, ta doño di
apartamentonan y ta inclui transporte den e prijs cu nan ta paga, sin cu nan tin e vergunningnan
necesario pa haci e tipo di viahenan aki, peor ainda, abusando di e prijs unda cu turistanan tin biaha ta
paga mas cu tarifanan di taxi legal.