Page 24 - AHATA

CEO di AHATA, Tisa LaSorte a ricibi tur nominado, invitado y Minister di Turismo, Danguillaume Oduber,
tabata presente pa yuda reconoce e empleadonan impresionante. Nominadonan a sinta hunto cu nan famia,
coleganan y gerente pa gosa di un anochi espectacular, yen di aprecio pa nan contribucion na e exito di Aruba
su turismo. Durante palabranan oficial di bonbini, CEO di AHATA Tisa LaSorte a informa cu e programa di

Excellence Awards ta pa honra e personanan cu ta labora cu pasion den e sector y cu ta importante pa cada
nomindo sinti e aprecio. Turismo ta e unico pilar economico di nos economia y no por tin un industria exitoso
sin cu e empleadonan haci nan trabao cu orguyo y duna un servicio di excelencia. A gradici sponsors cu a haci

e anochi posibel y e 3 huradonan pa nan trabou di evalua tur aplicacion cu a drenta y entrevista cu cada
nominado. A base di criterianan specifico di cada categoria, a selecta e 8 ganadonan.

Maestro di Ceremonia, Larissa Bermudez, a guia e anochi yamando cada nominado riba escenario pa ricibi su
certificado mientras a pasa un video di cada nominado. Durante e evento yena cu suspenso a anuncia e

siguiente ganadonan:

 “Employee of the Year Small Company”: Lisyene Becker, The Mill Resort &
Suites Aruba;

 “Employee of the Year Large Company”: Edmond Kock, Divi Aruba Phoenix
Beach Resort;
 “Supervisor of the Year”: Justine Cremony, The Ritz-Carlton, Aruba;

 “Manager of the Year Small Company”: Jagdish Dialani, Diamonds
International;
 “Manager of the Year Large Company”: Edgar Cornet, RIU Palace Antillas;
 “Young Tourism Professional 2019”: Manon Scholte Lubberink, De Palm
Tours;

 “Sustainability Champion 2019”: Frank Sabajo, La Cabana Beach Resort and
Casino;
 “Lifetime of Service 2019”: Victoriano Quant, Hyatt Regency Aruba Resort Spa
& Casino.

AHATA a premia cada ganado cu un escultura original y simbolico di artista local Gilbert Senchi. E
ganadonan di AHATA Excellence Awards 2018 a regresa pa haci entrega di e award na e ganadonan di e aña
aki.

Durante e anochi a haci entrega di dos check; un pa Colegio EPI unidad di HORECA y e otro pa Universidad
di Aruba, facultad di Hospitality & Tourism Management. Sr. Armin Solognier, representante di Caribbean
Mercantile Bank, a haci entrega di e donacion generoso na e fondo di educacion.