Page 31 - HOSPITAAL
P. 31
Dama di 48 aña luchando pa su bida, despues di a
wordo maltrata door di su pareha
August 5, 2018
Oranjestad – Diadomingo den oranan di merdia/atardi recherche y slachtofferhulp ta haya nan cu un
caso hopi lamentabel.
Un problema di pareha cu a bay completamente for di man, cu un resultado hopi devastador pa un señora di 48
aña, cu ta luchando na e momentonan aki pa su bida.
Ta trata di un homber di inicial R.C. di 57 aña, kende lo a maltrata su pareha asina severo, cu golpinan hopi
fuerte na cabes, cu consecuencia cu e dama lo a haya un derame celebral.
Informacionnan no oficial, aparentemente despues cu ela caba di maltrata su pareha, elo a yama un amiga pa
bin busca su pareha y hibe hospital, na momento cu e amiga a yega, ainda e por a papia un poco y por a bisa
ainda cu ta e homber aki a maltrat’e
Recherchenan mesora a wordo avisa y tambe slachtofferhulp.
Familianan di e victima ta na e momentonan aki na hospital, mirando cu e situacion di e dama ta sumamente
critico.
