Page 38 - MIN ON

na San Nicolas. Lo no traha carchi nobo. Esey lo lag’e durante siman pa e oficina

principal, pa evita cu esey lo bay trece rijnan mas largo na momento di renoba.

Ta mira con esaki lo bay y si ta necesario lo haci esaki atrobe e siman despues. Pero pa

awo, kier pa tur hende corda cu diasabra awo, nan lo ta na San Nicolas. Probecha, bin

renoba bo standardsmart card.

Arubus cu mas tipo di carchi

Arubus tin mas tipo di carchi. Manera advantage card, student card, etc. Daou a splica cu

semper bo por uza bus si bo no tin carchi. Bo por paga cash y esey ta costa 4,50. pesey

mester corda semper cu bo por uza bus semper cash pa 4,50. E carchinan ta pa facilita y

haci’e mas barata. E standardsmard card, cual ta e carchi blauw, aki riba ta deposita placa

riba dje y eynan, ora cu bo swipe den bus, e ta costabo solamente 3 florin na luga di 4,50.

Tin e carchi di studiante, manera tur hende sa cu ta e carchi color biña, cu ta wordo uza

pa scol. E carchi aki ta un carchi caminda cu bo tin cu prueba cu bo ta studiante y e carchi

aki, ora cu bo swipe, e ta costa solamente 1,50 pa cada biaha cu bo uza e bus, pasobra ta

haya tarifa di studiante, cu ta subsidia.

Tambe tin e carchi berde, cu ta e carchi di pensionado y esey ora cu ta riba 60 aña y bo

tin un nacionalidad Hulandes, bo ta bin na remarca pa haya e carchi aki. E carchi aki, ta

dunabo 40 trip por nada, tur luna y si bo ta un hende cu ta uza mas cu 40 trip, e ora bo por

deposita riba dje y e tambe lo costabo solamente 3 florin.

E Advantage Card, cual ta e carchi cu a saca ultimo, tabata un carchi cu eigenlijk ta mas

pa duna bentaha na e hendenan cu ta uza bus tur dia na mas cu un ocasion pa bay traha.