Page 24 - Djasabra 11 november 2017.pdf
P. 24
24 Djasabra 11 Novèmber 2017
Ana Freitas
Integra Natural
Ana Freitas a kuminsá ku un negoshi di produktonan
natural/orgániko, un idea ku a bin di su yu muhé
despues di un proyekto den fakansi. Integra Natural ta
situá den kurason di Skalo, bahando brùg Wilhelmina
e bista ta dirèkt riba Parke Leyba kaminda Integrá
Natural ta situá.
Ana Freitas; aki den Skalo nos tin un fábrika di
produkto natural. Nos a kuminsá 5 aña pasa ora mi yu
Tatiana tabatin e idea magnífiko di traha un produkto
pa e haña sèn èkstra den fakansi. Tatiana (e tempu
ei 10 aña) a traha un lipbalm di lamungras kual el a
bende na skol i riba diferente feria i despues a riba ku
tin un oportunidat di negoshi aki. A kuminsá hasi un
investigashon kua produkto mas lo por produsí i awe 5
aña despues nos ta akinan.
Promé di a yega asina leu a hasi e investigashon lokal
i internashonal, nan a biaha bai konvenshonnan den
eksterior pa asina pro a amplia nan konosementu riba
e tereno aki.
Kiko ta produsí....
Ana Freitas a splika ku nan ta traha tur loke tin di
aber ku kuido di kurpa, for di kabei kara pia, kurpa .
Ingredientenan prinsipal ku e produktonan ta kontené
na yerbanan lokal, nos mes frutanan, matanan i esun
ku no ta krese aki nos ta importá. “Si mi haña un pida
pampuna awor aki mi por traha algu di dje”, asina Ana
a konta Djasabra.
