Page 34 - Djasabra 11 november 2017.pdf

36 Djasabra 11 Novèmber 2017
Biahando den e

pais di Inca’s Perú (5)

Chavay, Pisco i Valle Colca
Skibi pa Anthony Haile

Chavay i Pisco
Despues di bishita Arequipa nos ta kontinuá nos
biahe pa Chavay kaminda nos lo bishita entre otro
e pueblo Pisco i na mes momentu lo haña e opor-
tunidat pa konosé un di e pik nan mas altu di Perú.
Promé ku nos sali pa bai e pik aki, nos guia ta bisa
nos ku ta masha importante pa bo ta prepará ya ku
dor ku nos ta bai un altura hopi altu esaki pa algun
hende por ta problemátiko. Ta pa e motibu ei, e ta
bini ku blachi di Koka ku nos tin ku kou promé ku
nos kuminsá ku e trayekto. E blachi di Koka aki
ta sòru pa e balansa nesesario i ta evitá ku bo ta
haña bo den problema ora bo ta riba sierto altura.
Tambe su rekomendashon ta pa ora nos hasi algun
parada na algun restorant riba e serunan, nos pidi
te di Koka ya ku esaki tambe tin un efekto trankili-
sadó riba e kurpa.
Lokual bo ta mira ora bo ta subiendo e
pik di mas altu di Perú
Aparte di e volkan nan nos ta mira tambe diferente
animal ku ta biba den e region manera Vicuñas,
Lama’s i Alpaca’s. E animalnan aki ta biba den
naturalesa i hopi biaha bo por mira nan na grupo
grandi. Aparte di e animalnan ku nos a menshoná,
bo ta haña tambe den e region aki diferente tipo
di para manera kolibrí, aguilla i e mahestuoso
Condor. Kere mi ku tur e bestianan aki ta un gustu
pa bo wak nan, spesial e manera trankil ku nan ta
gosa di e naturalesa den kual nan ta habitá. Hopi
di e bestianan aki ta protehá pues ta prohibí pa bo
purba di tira nan. Si polis gara bo, bo ta den prob-
lema hopi serio.
Ora ku bo alkansá e punta mas alto di e plateau bo
ta sinti esaki , ya ku bo ta bira un tiki marea i ku di Koka. Nos ta alkansá un altitut di 4800 me- di mundu ku ta Colca Kayon. Ora ku nos
tòg maske bo ke òf no, bo tin ku kou riba e blachi ter pa despues baha den e vaye mas profundo ta bai abou nos ta para na un restorant ka-
minda tur hende por pidi un kòpi di te di
Koka pa stabilisá e kurpa E te ta yuda un
tiki pero diferente hende ta keda ku leve
doló di kabes.
E siudat di Pisco
Despues ku nos a bini bei un tiki den
restorant i a bebe nos te di Koka nos ta
bai hasi un rekorido den e siudat di Pisco.
Den e lugá aki tin algun lugá ku pisin-
anan ku awa térmiko hopi kayente. Una
bes einan nos ta opta pa saka un ora pa
nos refreská un tiki di e trayekto i nos ta
bai baña den e pisina. E awa ta masha
dushi mes i a bini manera un bendishon
despues di a subi e altura den bus di kasi
5000 meter. E awa a duna e kurpa ener-
gia nobo pa kontinuá ku nos biahe.
Mirador Cruz del Condor den
Colca Valley
E Mirador Cruz del Condor ta unu hopi
impreshonante i ta duna e bishitante e po-
sibilidat pa mira e Condor hopi di aserka.