Page 12 - flip kpa
P. 12
16 AWEMainta Diamars, 24 Maart 2015
Autoridadnan kier soluciona e asesinato di Webb cueste loke cueste
Di dos sospechoso a keda deteni diadomingo ultimo
DESPUES cu diasabra anochi, autoridadnan hudi-
cial a haci un entrada hudicial na Meiveld, unda un
sospechoso, bon conoci di Polis a keda deteni, diado-
mingo pasa di 3 or di merdia, a tuma lugar un otro
detencion y e biaha aki na Mandolinstraat, Dakota.
E ekipo di Polis cu a keda institui for di momento cu
a haya Lalo Webb asesina den su auto, a bin ta traha
duro pa soluciona e asesinato aki.
Dado momento a topa cu e sospechoso aki, cu Polis
ta buscando pa cual a solicita mas patruya pa yega
cu urgencia.
Patruyanan di Oranjestad y Team di Aresto a yega
mesora na detene e sospechoso y hibe Warda di Shaba
na Noord.
Ta trata aki di Ulrich Pardo (23 aña), kende ta biba
den Mandolinstraat na Dakota. Su mama ta duda cu
su yiu por ta envolvi den e caso di asesinato di Lalo
Webb. E tin amistad si cu un di esnan biba na Meiveld
cu a keda deteni diasabra. E team cu tin e investiga-
cion, ta trahando duro pa soluciona e caso aki den
minimo di tempo.
