Page 25 - AVP

Corte a prohibi Gobierno pa desmantela

parti di kiosk na Eagle Beach

Posted on 10/10/2019 3:52 pm AST | Updated on 10/10/2019 4:01 pm AST

ORANJESTAD – Corte a prohibi Dienst Openbare Werken (DOW) y Directie
Infrastructuur en Planning (DIP) pa desmantela parti di un kiosko na Eagle Beach, te ora
cu tin un decision riba e keho (bezwaar) di e doño, esta Roque Wernet. Asina huez a dicta
diaranson ultimo den un sentencia cu Noticiacla.com tin den su poder. E doño na
augustus ultimo a haya orden pa desmantela parti extra di un kiosko, pasobra nan ta
construi ilegalmente pues sin permiso di e dos instancianan menciona. E doño a bringa
esaki y a bay para dilanti mesa berde. Cu e sentencia aki, DOW y DIP tin cu warda te ora
corte trata e obhecion di e doño, prome cu por tuma e siguiente paso.

E CASO

E caso ta data di 2018, ora cu e doño di e kiosk a pidi pa por pone un dak riba su kiosk pa
cubri e terasa. Na 2019, el a haci otro peticion, pero e biaha aki pa pone rolluiken.
Sinembargo riba ambos peticion, e no a haya contesta. Algun tempo despues e mes a
dicidi di amplia su lugar cu ambos cos, esta un dak y rolluiken, cu tabata un inversion di
50 mil florin total. Na augustus, ora cu DOW y DIP a bin, a bisa cu e ta haya 14 dia pa
desmantela e loke el a pone extra, sino nan lo hacie pe. E no a acepta esey y a cuminsa e
proceso legal.