Page 61 - AVP
P. 61
ORANJESTAD (AAN): E siman aki Ministro Otmar Oduber a tuma nota con e compania
Ecotech Aruba a pone diferente texto riba social media, cu un potret di Ministro riba
cual nan a pone “No Ta Berdad” y tambe un otro poni cu “Fake News” riba dje.
Diaranzon atardi Ministro Oduber a opta pa reacciona riba social media tambe. El a
bisa: “Ora un compania priva ta yega na e extremo aki di manipula cu informacion y
mete den politica directo, ta paso tin co’i sconde of co’i regla.”
Ministro a sigui skirbi: “Awel mi persona no lo baha na e nivel aki. Den Parlamento,
manera un democracia ta funciona, lo sigui informa corectamente e representantenan
di pueblo, cu documento den man, ariba e tarea cu mandatarionan tin, pa haci e mihor
decisionan na INTERES GENERAL y no pa esun interes personal/priva.”
El a finaliza skirbiendo: “Lamentablemente esaki ta pensamento di personanan cu ta
pensa di por crea anarkia den un estado di derecho democratico di un Pais.”
https://www.diario.aw/2019/10/ministro-a-reacciona-riba-loke-compania-local-a-pone-riba-social-
media/
