Page 87 - MIN VOS

Minister Bermudez: Pronto lo presenta un solucion pa grupo
"witte vlek"

Wednesday, 13 April 2016 19:14
Comparti

Diamars atardi e asina yama "Commissie Witte Vlek" a presenta y entrega Minister di Finanzas nan
rapport definitivo.
Den cuadro di e acuerdo bilateral cu tabata e base consensual pa revisa y reforma e areglo di pensioen cu
APFA na 2014, a keda un grupo cu a yama "witte vlek" cu tin basta aña di servicio, pero cu no ta participa
den e fondo di pensioen.
E mandatario a informa cu pa por cumpli cu e grupo aki, tambe a instala un comision cu ta consisti di
representantenan sindical di APFA y di gobierno. E tarea pa e comision tabata pa trece diferente
sugerencia riba con por regula y yega na un areglo di pensioen pa e grupo aki.
E rapport definitivo ta conta cu 5 scenario cu e comision encarga ta sugeri como posibel solucion pa e
grupo, cada scenario tin su prijs y ta depende di e altura di e sumanan. Sin embargo ta sali for di punto di
bista cu tanto e empleado como Gobierno lo contribui den e areglo aki.
Minister di Finanzas, Angel Bermudez ta gradicido pa e trabou cu e comision a desplega y awor lo hiba e
rapport pa e siguiente fase unda cu lo laga evalua e proposicionnan aki y propone e scenarionan
den Conseho di Minister pa asina yega na un decision final.