Page 7 - download

Diamars, 5 di April 2022 |7

Islanan CAS a bisa Hulanda cu mester

tempo pa analisa ley di COHO

Parlamentonan di Corsou, Aru-
ba, y Sint Maarten a bisa cu nan mester
di mas tempo pa duna nan reacción riba
e Ley di Reino pa creación di Caribische
Orgaan Hervorming en Ontwikkeling
(COHO).

E peticion aki a wordo haci oficialmente
caba, según e website di Koninkrijksre-
laties.

Nan a splica cu Parlamentonan di tur
cuatro parti di Reino tin derecho pa
duna nan reacción por escrito via cual
caminda nan por haci e preguntanan cu
nan tin riba e proposcion di ley, dirigi
na Secretario di Estado di Relacionnan
di Reino. E contesta aki tambe ta bolbe
por escrito prome cu trata e concepto di
ley den Tweede Kamer.

E articulo ta menciona tambe cu ta un
secreto publico cu Parlamentonan di e
islanan menciona, tin obheccionnan
fundamental contra e ley di COHO, en-
tre otro pa motibo cu esaki ta atacha
nan autonomía.
E peticion pa pospone esaki lo wordo
trata diaranson awor den un reunión di
procedura di comisión di Tweede Kamer
pa Relacionnan di Reino.
Tabata e intención, según e articulo,
pa prome cu fin di e luna aki e pais-
nan entrega nan relato. Esey ta conta
tambe p’e Rijkswet pa control financiero
na Aruba. P’esaki tambe Parlamento di
Aruba a pidi pa pospone pa otro fecha.