Page 13 - WEB

“Riba henter e discusion cu nos tabata tin te cu aworaki den comunidad, riba Facebook,
den Parlamento y den medionan di prensa, hopi biaha e discusion tabata bay mas tanto
riba e aspecto economico”.

“A discuti mas tanto riba ken ta bay haci cua proyecto, esta un tipo di polarizacion di
grupo contra grupo, cada un cu nan propio interes”.

Esaki segun Tromp, kende a sigui bisa cu pe como presidente di e comision di salud, e

esencia ta pa enfoca riba e pakico e dump aki mester wordo cera no awe, sino ayera.

“Quizas hopi hende no ta na altura di e rapport di PAHo, caminda preto riba blanco nan
a pone basta detaya full e situacion aki di e dump di Parkietenbos y mas tanto

enfocando riba e parti medio ambiental”.

“PAHO su rapport a enfoca hopi riba e parti toxico, venenoso, contagioso , esta e
peliger cu e dump ta forma pa tera, lama y aire y con esaki ta afecta e bida y salud di

nos hendenan”.

“No solamente e hendenan cu ta bay na dump pa haci trabao, sino di e habitantenan”.

Esaki segun e Parlamentario, kende a indica cu e problema di dump no ta algo di awo,
sino di basta tempo caba.

El a splica cu aworaki tin un situacion cu e no por sigui asina mas.

“Documentonan ta mustra con toxico y peligroso e area di dump ta, mirando tambe e
material di hospital cu ta wordo benta na dump”.

“Cierto enfermedad por wordo transmiti via cierto bestia”.

“Bo por haya cu nos como hende ta vulnerable pa e microbionan aki”.

“Nos ta vulnerable pa pega cu cualkier malesa via di mishi cu algo, via aire of via
cualkier bestia cu ta yega den cercania di nos”.

Esaki segun Tromp, kende a indica cu nos laman tambe por wordo afecta.