Page 28 - FDLP

Di Acuerdo Cu ATA, Patrocinio Team Aruba No Ta

Continua Mas

 Featured

 Local
- 25/07/2018

Aruba Tourism Authority a tuma nota di diferente publicacion referente aporte pa cu
Team Aruba. A tuma nota di diferente discusion cu a surgi rond di e topico aki y di e
hecho cu a combina e topico aki cu diferente otro pensamento referente maneho di
A.T.A.
A.T.A. no ta opta pa drenta den discusion cu ta considera di tin indole politico, pero
sinembargo a dicidi di pa medio di esaki, aclaria lo siguiente, sperando cu e ta brinda
claridad na un manera imparcial:

Patrocinio Team Aruba no ta continua
A.T.A. a base di decision di Minister di Turismo, Dangui Oduber cu nos ta consiente cu
Minister a indica publicamente tambe, no ta continua cu aporte pa cu Team Aruba
entrante 2018.
T’asina cu A.T.A. a bin ta duna su aporte a base di analisisnan haci, a base anual, na
Team Aruba for di aña 2011.
Anterior n’esaki AHATA tabata carga e patrocinio aki. Conforme procedura legal
aplicabel pa A.T.A. ta evalua peticion, analisa y presenta esakinan, den casonan unda
procedura y ley di A.T.A. ta rekeri esaki, ta presenta esaki na Hunta di Supervision pa
aprobacion.