Page 18 - min.vos 8jan,2016
P. 18
Pagina 20 8 Januari 2016
Cadochi Kock di ATV a mustra
interes grandi pa e plan di 2016 di
Brazil Taekwondo Stichting.
Un interes grandi ta reina na ATV tocante di e plan 2016
di Brazil Taekwondo Stichting y a pone cu Cadochi Kock
a dicidi di bishita e training di Brazil Taekwondo Stichting
na Tarcisius Kleuterschool na Mabon.
Pa aña 2016 Cadochi Kock di ATV ta e promer media
di prensa cu a yega na e training di Brazil Taekwondo
Stichting. Alberto Klabér y Clifford Rasmijn ta e dos
trainernan cu Brazil Taekwondo Stichting tin y Clifford
Rasmijn ta e unico coach di e team di Train Hard Fight
Smart.
Un di e preguntanan cu C.adochi Kock a haci tabata cu
dicon Brazil Taekwondo Stichting a cuminsa train caba.
Brazil Taekwondo Stichting ta trahando na base di e
plan di 2016 cu e meta pa gana medaya pa Aruba. Brazil
Taekwondo Stichting kier y ta bay kibra e ijs cu tin pa
añas, cual ta cu te cu e dia di awe niun hende na Aruba
no a logra di gana un medaya na e Open USA cu ta un
campeonato di ranking G2. E aña aki esaki ta bay tin
cambio. Esaki ta un di e metanan cu Brazil Taekwondo
Stichting tin y a pone cu training a cuminsa na luna di
december mes despues di un descanso chikito. Semper
Brazil Taekwondo Stichting ta train duro pa asina yega
na e metanan. Awor ta bira tempo cu nos ta wordo mira
ariba y no abou. Training ta 6 dia pa siman, pero tur
diamars, diahuebs y diasabra ta train mas intensivo.
Alberto Klabér y Clifford Rasmijn a duna nan banda y
tabata masha contento di por tabata tin Cadochi Kock
cercanan na Brazil.
