Page 64 - MINISTER ARTHUR DOWERS

Minister Arthur Dowers: Listramento preventivo lo wordo
incentiva pa kita esnan arma for di caya

Sunday, 24 May 2015 21:59
Comparti

Den entrevista minister Arthur Dowers a splica cu e ta mira e resultado cu e accion di polis ta dunando.
Aunke e ta spera menos arma riba caya por mira cu tog tin hende ta sali cu arma. Listramento preventivo
ta algo cu nan a adapta.

Tin hende ta contra e medida di listramento preventivo pero ta algo cu ta trece seguridad riba caya pa
otronan. E listramento preventivo lo wordo incentiva. Ora mira e cantidad di listramento ta mira
preguntanan ta bin di huez comisario pero e resultado ta mustra cu e medida aki mester sigui. E ta un
medida fastioso pasobra parti di bo privacidad ta wordo atacha. Pero kier evita cu esnan cu ta sali riba
caya ta wordo afecta pa esnan cu arma. Tin un team di polis hopi motiva pa haci esaki riba caya. Tin
algun inspectornan cu masha smaak. E motivacion tey cerca henter e team. Ta spera cu mira mas di e
accionnan aki den mas area unda tin barrionan pa asina mustra e seguridad cu mester tin. E ta bai pa
baha risico y mustra cierto hende cu cosnan robez cu tabata wordo haci ta keda wordo haci. Benta di
droga etc hopi hende ta pensa cu nada lo pasa cu nan. Caminda tin hende ta sali trip y areanan
residencial ta bai drenta cu accionnan asina. Polis mester ta riba pia y activo riba caya. E listramento
preventivo ta netamente loke ta pone e comportacion bira diferente. Mescos cu cambio di ley polis su
derecho a hala hopi atras y e derecho di hende a bai mas dilanti. Tin hopi reto awendia y mester evalua
diferente cos. Derecho fundamental no necesario mester bai prome cu tur cos segun e mandatario.
Mester enfrenta esnan cu ta haci malo den comunidad.

http://www.24ora.com/politica-mainmenu-18/95477-minister-arthur-dowers-listramento-preventivo-
lo-wordo-incentiva-pa-kita-esnan-arma-for-di-caya