Page 21 - UTILITIES 26 FEB 2016

46 Djabièrnè 26 Febrüari 2016

...Preshon riba Refineria SOSEGA NA PAS
Isla pa produsí mas...

REFINERIA AMUAY
TA PARALISA PA
PROBLEMANAN
TEKNIKO GRAVE

WILLEMSTAD.- Refineria
Amuay, e refineria mas
grandi di Venezuela ta
paralisá pa algun dia kaba
pa motibu di problemanan
tékniko grave. Mester a para
e fleksikoker dje refineria
pa motibu di un eskape
di gas den e gasifikadó
di akuerdo ku Reuters
sitando dirigentenan
sindikal dje refineria na
Estado Falcon. E dirigente
sindikal identifiká komo
Ivan Freites a deskribí un
situashon masha peligroso
papiando di un “fisura
aksentuá” loke a obligá
pa para tur produkshon. E
refineria tabatin kapasidat
pa prosesá 645.000 barí pa
dia pero masha tempu pa
motibunan di problemanan
tékniko – mayoria kousa
pa falta di mantenementu
– Amuay últimamente
tabata prosesá apénas
320.000 barí pa dia. E
produkshon limitá aki
ta debí prinsipalmente
pa motibu ku mester a
paralisá e catcracker dje
refineria na Amuay. Reuters
ta papia di un situashon
kaminda konstantemente
e sirkuito di refinashon
i mehoramentu di krudo
venezolano ta víktima di
insidentenan kontinuo ku
ta manifestá nan mes den
paradanan no-programá.
E agensia notisiero ta
bisa ku kasi semper e
aparato ofishalista ta
atribuí e situashonnan
aki na insidentenan
kousá pa sabotahe na e
instalashonnan di PDVSA
ku por sierto no a kontestá
yamadanan di Reuters
pa un vershon ofishal dje
situashon.

Den sierto sírkulonan
a indiká kaba ku e
situashon na Amuay lo
pone mas preshon riba otro
partnernan den e sirkuito di
refinashon i mehoramentu
di krudo venezolano,
preshon ku lo ta konta
tambe pa Refineria Isla na
Kòrsou.