Page 4 - AM210906

4 AWEMainta .com Dialuna, 6 September 2021

Supuesto caso di violacion y agresion riba Eagle

Beach a termina den detencion di un dama turista

Diadomingo den oranan di atardi den careda di 3:30,
Polis pasando cerca di Eagle Beach a tuma nota di

un situacion raro, y a baha pa controla. Un grupo di
turista lo a bay over na conta Polis cu un trahador di
un watersport situa riba beach lo a trata na viola su
persona. Ey ta unda cu “nan” a bringa cu homber y e

trahador a na su turno a dal un di nan un mokete den
wowo.

Despues di e incidente aki e empleado di e watersport a

core bay, pues e no tabata n’e sitio. Un nomber a wordo
menciona pues doñonan di e watersport lo t’esnan
indica pa duna Polis esaki. Na Eagle tabatin varios Polis
y ey nan tabata trata na saca afo kico a pasa.

Locual a hala nos atencion ta cu eynan pues riba un
beach druk unda cu no tin lugar priva, con un intento
di violacion por a tuma lugar.
Di dos teoria ta cu si algo no na su lugar a sosode, kizas

esaki lo por tabata riba un Sea Doo pafo riba lama.
E pelea si a pasa dilanti tur hende, pero e acto cu di
mishi etc. etc., hendenan rond kiermen no ta berdad.
Entre e grupo un di e damanan cu tabata keda haci

problema a wordo aresta pa motibo di insulto segun

nos a compronde, si esaki ta corecto no por a wordo
confirma. Por a ripara si cu e tabata keda haci problema

n’e sitio usando palabranan sushi tanto na Ingles y
Spaño.
E dama turista cu a wordo gedal a nenga asistencia di
Paramediconan cu a yega n’e sitio, ni maske cuanto

a papia cu ne. Na final e Paramediconan no por forsa
niun hende algo y a bandona e sitio.
Polisnan a tuma tur dato y despues cu a transporta e
dama turista cu tabata sumamente fastioso pa warda

di Strandpolitie, e situacion a calma y tur esnan envolvi
a move..