Page 27 - UTILITIES

E mandatario a duna di conoce cu Diabierna dos siman pasa el a biaha pa Hulanda pero
a pasa Curacao prome y a reuni eynan cu Minister di Transporte di nos isla ruman.

Pero na momento di a yega Hulanda di biaha el a reuni cu expertonan di un Instituto na

Wageningen riba tereno di agricultura. Esaki mirando cu dia cu Venezuela a dicidi di
cera su frontera cu Aruba, nos a haya nos mes den problema y a pone nos pais realiza
cu a yega ora pa nos produci nos propio cuminda.

E mandatario a señala cu e ta den combersacion cu diferente compania cu ta interesa
pa establece na Aruba pa bin produci diferente fruta y berdura, pa asina aki cuminza
yega na nos mes alimentacion.

Na Hulanda e meta tabata pa reuni cu personanan cu ta bay bin haci un investigacion
na Aruba y lo duna Departamento di Agricultura, Cria y Pesca (Santa Rosa) e sosten
necesario.

Esaki den sentido cu a yega na palabracionnan unda cu expertonan di Wageningen cu
ta bay trece un proyecto na un escala chikito pero cu tur e estudionan necesario pa
hacie exitosamente na Aruba.

E mandatario hopi biaha a combersa cu agricultornan local y nan tin e problema cu nan
tecnologia no ta cuadra completamente.

E dignatario a indica cu e merito di e biahe aki ta cu e expertonan menciona ta bin haci

un evaluacion na Aruba, pa asina brinda un proyecto na Santa Rosa cu nos hendenan
local mes por tuma y hacie na nan propio cas.

E minister tin cu hiba e proyecto aki na Conseho di Minister pa wak si e por haya e

fondonan necesario pa desaroya esaki. Hulanda hopi biaha ta habri pa haci e tipo di
investigacionnan aki, pero tambe duna sosten na e tipo di proyectonan aki.

Wageningen ta dispuesto pa haci esaki pa Aruba unda cu sigur lo brinda nos

agricultornan local e posibilidad pa desaroya e proyecto aki.

E mandatario a duna di conoce cu tambe el a bay Leeuwarden unda tin un hogeschool
tambe riba e area di agricultura, unda e kier a purba pasobra aworaki ta e oportunidad