Page 6 - AVB
P. 6
Yenhifer Huntington bay laga e defensa contrario y deposita e bala den gol pa pone su
ekipo ariba 1-0.
Valeria Croes na di 38 minuut a pasa dor di e defensa di Dakota y ta kita portero di
Dakota pero a tarda pa pusha e bala den net y e defensa di Dakota ta bin logra di evita e
gol aki.
Den di dos tempo Dakota a subi determina pa presiona La Fama cu a cuminsa e periodo
aki cu falta di concentracion y ta empata e partido cu tiro di distancia di e delantero Sally
cu ta sorprende portero Guylaine van der Linde pa empata e wega na 1-1.
Dakota a sigui presiona e defensa di La Fama cu a perde control den medio campo dado
momento compara cu e prome tempo y na di 18 minuut e ekipo amariyo ta bay ariba 2-1
ora cu e defensa central di La Fama, Shaqiera Rodriguez desvia un tiro contrario pero na
mes momento ta saca portero van der Linde for di su posicion y e bala ta bay pega den
net pa duna Dakota e bentaha.
La Fama ta logra di reacciona despues di e gol aki y a bay en busca di e gol di empate
caminda principalmente e hoben talento Shadira Croes, a bira e dolor di cabes di e
defensa di Dakota.
Na di 22 minuut e hoben delantero ta kita dos defensor den tremendo accion y ta
sorprende portero di Dakota cu tremendo tiro den e skina cortico pa logra empata e wega
na 2-2.
E ekipo di Savaneta a logra di domina e medio campo bek y tabata un biaha mas
Yenhifer Huntington cu ta bay laga e defensa di Dakota y ta logra supera portero pa duna
La Fama bentaha importante di 3-2.
