Page 112 - KPA

Noticia di Polis: Muhe a

cuminsa grita keriendo

cu homber ta bay atake

Published on April 10, 2017 in Suceso
ORANJESTAD, Aruba

Diasabra, Central a manda patruya na un adres den Zepp Lampestraat pa un persona
cu tabatin mester di yudansa. Eynan a papia cu e habitante, kende a declara cu tabatin
un muhe na grito cu tabata pidiendo ayudo. Door di esey, e otro bisiñanan a bay yud’e.
Na yegada di polis, tanto e muhe como e bisiñanan a cana bay. Polis a topanan un tiki
mas leu para banda di caminda. E muhe a conta polis cu e tabata canando den Zepp
Lampestraat ora cu diripente un homber cu e no conoce tabata bin den su direccion. E
la kere cu e homber tabata bin pa atrak’e, pesey e la cuminsa grita pa ayudo mientras
cu e homber desconoci a core bay. Polis a bay busca den vecindario pa e homber, pero
no a topa cun’e. Patruya a tuma tur detaye y Central a wordo poni na altura.