Page 124 - KPA

Auto a dal duro tras di Taxi cu a para na Zebrapad pa un
mama cu baby crusa

Monday, 10 April 2017 19:46
Comparti

Den careda di 2:30 dialuna merdia a sosode un accidente net dilanti Bestuurskantoor riba LG
Smith Boulevard.

Varios patruya di polis a ser dirigi na e sitio. Tabata menciona cu tin hende herida entre otro un
baby. Na yegada di patruya a bin encontra cu e accidente.Tabata entre un Toyota Camry color
berde cu number TX-231 y un Toyota MarkX shinishi numera A-58277. Ora polis a bay chek
kiko a sosode, a bin nota cu un baby den un stroller ta e victim. A yama ambulance pa asina
duna e baby asistencia medico. Testigonan a conta polis cu e taxi a para na e Zebra Pad pa
asina e señora y su baby crusa. Diripente e MarkX a dal duro tras di e taxi y cu consecuencia cu
e taxi a dal e baby den e stroller y a bay para un distancia basta leu for di e sitio. E baby
finalmente tabata ok. Despues di e impacto e chauffeur di e MarkX a baha y puntra e chauffeur
di e taxi pakiko el a para mey mey di caminda. Increible pasobra ta un Zebra Pad y tabata tin
peaton cu kier a crusa. No ta conoci kiko tabata e descuido riba caminda cu a pone e chauffeur
core asina duro y dal tras di taxi. E taxista tabata riba caminda hibando turista aeropuerto.