Page 46 - KPA

Polis ta controlando fluho di trafico entre Playa y San Nicolas

ORANJESTAD (AAN) – Den entrevista cu señor Lito Lacle, vocero di Cuerpo Policial, el a duna di conoce
na Matutino DIARIO, cu polis ta yudando e dianan aki pa organiza e trafico entre Playa y San Nicolas.
Lacle a menciona cu tarea di KPA ta pa zorg pa e movilidad den trafico, y nan a traha un afspraak cu
DOW y instancianan concerni, cu di 6or pa 9’or di mainta tin un polis pa percura pa esaki, y otro polis
entre 4’or di atardi pa 8’or di anochi.
Señor Lacle tabata dialuna tempran haciendo e trabao aki y ya pa 8’or di mainta e trafico a baha basta.
El a expresa cu si bay over na cera caminda manera mester ta nan por controla e situacion tog.
E trabao di DOW ta pa cera e camina y esun di polis ta pa zorg pa e trafico circula corectamente y den un
samenwerking nan por logra esaki.
Incluso algun polis di trafico tabata yuda pa midi e movecion pa wak ki oranan tin mas mester di
presencia di polis. E problema cu tin aworaki ta e trafico cu ta bin di Yara cu mester tene cuenta cu e
polis cu ta dirigiendo e trafico y sigui su instruccionnan. Si e ta haci esaki tur cos ta bay sin problema.
Tocante e dianan festivo en conexion cu Siman Santo, Lito Lacle a duna di conoce cu nan ta bay tin extra
surveillance riba caya y dilanti area di hotel unda e personanan ta campa. Tin polis trahando pa controla
campamento y banda di esaki lo tin diferente otro control pa zorg pa no surgi accidentenan cu final fatal.
E meta di e control ta wak pa no tin hende ta core bao influencia di alcohol, y polis ta keda ripiti si un
persona a bebe alcohol zorg pa otro persona stuur pe, pasobra e chens ta grandi cu ora di supla y un
persona ta riba e 570 IGL su rijbewijs ta wordo kita y si e documento aki ta nifica e pan di cada dia pa e
persona aki, e tin un problema. Tarea di polis ta pa nada grave sosode y pesey nan ta hinca den cabes di
pueblo cu nan enfoque ta controla stuurmento bao influencia.