Page 3 - web nov 5,2015

WEB ta wardando un “Root Cause Analysis” pa demostra e
causa di blackout

Publication: Thursday, 5 November 2015. Categoria: General
Compania sa cu comunidad no tin beneficio na polemica entre companianan

ORANJESTAD (AAN): Como reaccion riba
publicacion den DIARIO encuanto loke NV Elmar a declara, awor e compania WEB Aruba NV
ta informa cu un root cause analysis lo demostra unda e fayo a inicia, cual a conduci na e
blackout di dia 23 di october ultimo.
Aunke e resultado lo no yuda comunidad mucho awor aki, ta importante pa tanto WEB como
ELMAR averigua inicio di e fayo, pa evita ripiticion.
Mes importante ta pa e companianan ruman WEB y ELMAR comunica efectivamente den
situacionnan similar.
Di su banda durante e blackout WEB a trata mas tanto posibel di informa comunidad via radio y
nan pagina di Facebook y despues via television, pa tene comunidad na altura di ki tempo por
spera coriente back despues di e blackout.
Enberdad e prioridad na momento di e blackout tabata pa stabilisa e situacion di coriente mas
liher posibel. Sinembargo na e momento di e blackout, ta e propio tecniconan di ELMAR a
informa WEB di e fayo den nan feeder. WEB ta sigui su comunicado bisando cu e siman aki e
investigacion ta keda cla.
Entretanto WEB, ELMAR y Utilities lo reuni pa no trece mas confusion riba e sucedido aki.
http://www.diario.aw/2015/11/web-ta-wardando-un-root-cause-analysis-pa-demostra-e-causa-
di-blackout/